National Science Day : …म्हणून आजच्या दिवशी राष्ट्रीय विज्ञान दिन साजरा केला जातो?
National Science Day : महान वैज्ञानिक सी. व्ही. रामण यांच्या स्मरणार्थ आणि स्मृतीप्रित्यर्थ संपूर्ण देशात 28 फेब्रुवारी हा दिवस ‘राष्ट्रीय विज्ञान’ दिवस म्हणून साजरा केला जातो. महान वैज्ञानिकांपैकी एक असलेले प्रा. सी. व्ही. रामण यांनी केलेले काम विज्ञानाच्या भविष्यासाठी महत्त्वपूर्ण ठरले. तसेच, त्यांचे जीवन अनेकांसाठी प्रेरणादायी आहे.
सी. व्ही. रामण हे प्रकाश विखुरण्याच्या क्षेत्रात मास्टर म्हणून ओळखले जात होते. ते त्यांच्या शैक्षणिक जीवनात टॉपर होते. प्रोफेसर रामण यांनी ध्वनीशास्त्र आणि प्रकाशशास्त्रात मोठे योगदान दिले. एक उत्तम शिक्षक म्हणूनही त्यांच्याकडे पाहिले जाते. 1917 मध्ये त्यांची राजाबाजार विज्ञान महाविद्यालयात भौतिकशास्त्राचे प्राध्यापक म्हणून नियुक्ती झाली.
प्राध्यापक सी. व्ही. रामण यांनी रामण प्रभावाचा शोध लावला आणि भौतिकशास्त्रातील त्यांच्या योगदानामुळे त्यांना 1930 मध्ये भौतिकशास्त्रातील नोबेल पारितोषिक मिळाले. 1921साली भूमध्य समुद्राच्या निळ्या रंगाचे कारण जाणून घेण्याची त्यांची उत्सुकता वाढली. निळ्या रंगाचे कारण समजून घेण्यासाठी त्यांनी पारदर्शक पृष्ठभाग, बर्फाचे तुकडे आणि प्रकाश यांच्यासोबत विविध प्रयोग केले.
त्यानंतर बर्फाच्या तुकड्यामधून प्रकाश गेल्यानंतर त्यांनी तरंग लांबीतील बदल पाहिला. याला रामण प्रभाव म्हणतात. या शोधाने भौतिकशास्त्राच्या क्षेत्रात मोठे योगदान दिले. विज्ञान क्षेत्रातील त्यांचे योगदान लक्षात घेऊन, नॅशनल कौन्सिल फॉर सायन्स अँड टेक्नॉलॉजी कम्युनिकेशन, (NCSTC) ने हा दिवस राष्ट्रीय विज्ञान दिन म्हणून साजरा करण्याचा निर्णय घेतला.
