MS Dhoni Entertainment : एम. एस. धोनीचा पहिला तमिळ चित्रपट येणार.. जाणून घ्या काय असेल नाव आणि स्टारकास्ट
MS Dhoni Film : महेंद्रसिंग धोनीच्या प्रोडक्शन हाऊस धोनी एंटरटेनमेंट प्रायव्हेट लिमिटेडने शुक्रवारी त्याच्या पहिल्या तमिळ चित्रपटाबद्दल मोठी घोषणा केली आहे.
MS Dhoni Entertainment : क्रिकेटर महेंद्रसिंग धोनीचे प्रोडक्शन हाऊस धोनी एंटरटेनमेंट प्रायव्हेट लिमिटेडने शुक्रवारी त्याच्या पहिल्या तामिळ चित्रपटाबद्दल मोठी घोषणा केली आहे.
प्रॉडक्शन हाऊसने त्यांच्या सोशल मीडिया हँडलवर त्यांच्या पहिल्या तमिळ चित्रपटाचे शीर्षक आणि स्टार कास्ट जाहीर केले आहेत. या चित्रपटाचे नाव LGM Lets Get Married ‘एलजीएम – लेट्स गेट मॅरीड’ असल्याचे प्रॉडक्शन हाऊसने सांगितले. यासोबतच निर्मात्यांनी आज म्हणजेच 27 जानेवारीला याचे मोशन पोस्टरही रिलीज केले.
‘लेट्स गेट मॅरीड’मध्ये दिसणार हे कलाकार :
या चित्रपटात तमिळ अभिनेते हरीश कल्याण, नादिया, इवाना आणि योगी बाबू महत्त्वाच्या भूमिकेत आहेत. हरीश कल्याणला त्याचा ‘प्यार प्रेम कधल’ चित्रपट प्रदर्शित झाल्यानंतर लोकांकडून खूप कौतुक मिळाले आहे. त्यांच्या व्यतिरिक्त, बॉक्स ऑफिसवर ब्लॉकबस्टर ठरलेल्या ‘लव्ह टुडे’च्या यशानंतर इव्हाना आधीच इंडस्ट्रीतील एक प्रसिद्ध चेहरा आहे.
यापूर्वी, कल्याणचे स्वागत करताना, धोनी एंटरटेनमेंटने एक ट्विट केले होते ज्यात लिहिले होते- ‘मोहक आणि प्रतिभावान अभिनेता हरीश कल्याण या चित्रपटासाठी तयार आहे’. या चित्रपटाचे दिग्दर्शन ‘अथर्व – द ओरिजिन’ या ग्राफिक कादंबरीचे लेखक रमेश थमिलमणी यांनी केले आहे, ज्यात धोनी सुपरहिरोच्या भूमिकेत आहे.
धोनी एंटरटेनमेंट प्रायव्हेट लिमिटेड :
धोनी एंटरटेनमेंट प्रायव्हेट लिमिटेडची स्थापना 2019 मध्ये झाली होती जी भारतातील सर्व मुख्य प्रवाहातील भाषांमध्ये कन्टेन्ट तयार करते. ‘द हिडन हिंदू’ या पुस्तकाचे हक्क कंपनीने विकत घेतले आहेत. तसेच, तिने इंडियन प्रीमियर लीग (IPL) फ्रँचायझी चेन्नई सुपर किंग्स (CSK) 2018 मध्ये स्पर्धेत परत येण्यावर आधारित एक माहितीपट बनवला आहे.
Tips And Tricks : स्मार्टफोन चार्ज करताना या चुका टाळा; अन्यथा…
